Volvo XC90 Premium verður sjálvkoyrandi
Volvo er sambært elbil.no í endaliga góðkenningarstigunum, av einum nýggjum autopiloti til komandi elektrisku útgávuni av premium XC90.
Skipanin eitur “Ride Pilot” og er longu testa í Svøríki, nú skal hon so ígjøgnum royndarskipan fyri at verða góðkend í Evropa og USA.
Um skipanin verður góðkend, verður bilurin eisini góðkendur sum ein sjálvkoyrandi bilur á niveau 3. Hetta hevur við sær at tað verður loyvt at sleppa róðrinum meðan bilurin koyrir, og lesa eitt blað, hyggja film ella annað sambært norskari lóggávu. Á niveau 2 skal førarin halda í róðrinum, meðan niveau 3 er bert kravt at førarin situr í førarasetrinum.
