Hybridbilar skulu ikki sleppa undan avgjaldi (KVF)
Bjarni Kárason Petersen í Framsókn mælir í staðin til at leingja tíðina, sum elbilar sleppa undan at rinda avgjald.
Løgtingið viðgjørdi í gjár eitt uppskot frá Bjarna Kárason Petersen í Framsókn, um at hybridbilar og plugin-hybridbilar skulu ikki longur sleppa undan avgjaldi, á sama hátt sum elbilar, tí hybridbilar dálka munandi meir.
Uppskotið er farið í fíggjarnevndina.
Bjarni Kárason Petersen mælir í staðin til at leingja tíðina, sum elbilar sleppa undan avgjaldi.
Tað var í februar, at løgtingið samtykti at javnseta elbilar, hybridbilar og plugin-hybridbilar.
