Mitsubishi á evropeiska marknaðin hóast alt

Fyri fáum árum síðani boðaðu Mitsubishi frá, at avgerð var tikin um at taka seg úr evropeiska bilmarknaðinum. Nú hevur floytan tó fingið annað horn, og hava Mitsubishi ætlanir um at koma við nýggjari útgávu av væl umtókta SUV modellinum ASX.

Hetta kemst av at Mitsubshi seinastu árini hava fingið eitt tætt samstarv við Renault í lag, og nú hava tey so boðað frá ætlanunum um eina nýggja útgávu av ASX, sum kemur á evropeiska marknaðin í 2023.