The G-Wagon!, fæst nú eisini í el útgávu
Yndisbilurin hjá øllum Rapparum og teimum kendu í Hollywood er uttan iva tann eyðkendi Mercedes-Benz G-Klassa jeepurin, eisini kendur sum G-Wagon.
Nú hevur Mercedes kunngjørt teirra nýggja EQG frumsnið á IAA bilmessuni í München. Hesin EQG líkist í stóran mun tí klassiska G-klassa sniðinum, ið vit kenna, tó hevur hann fleiri nýggjar lutir sum avdúka, at hetta ikki er ein vanligur G-klassa jeepur.
Mercedes lovar, at EQG hevur framúr góðar off-road dygdir og betri enn tær, ið vit kenna frá vanliga G-klassa bilinum. EQG hevur fýra el-motorar, ein til hvørt hjólið.
Sí myndir av bilinum niðanfyri.